چون گرنگی ئەدەی بە قژت ؟

قژ رۆلێکی گرنگ دەبینێت لە دیاریکردنی رووی دەرەوەی مرۆڤ ، لەگەڵ ئەوەش قژ بە خێرایی توووشی کێشە دەبێتەوە، لەوانەی رووتانەوەی قژ و تێکچوونی پێستی سەر و دەرکەوتنی قژی سپی لە تەمەنێکی بچووک ، بۆ زاڵ بوون بەسەر ئەم کێشانە پێویستە رەچاوی ئەم خاڵانە بکەیت

چۆن گرنگی بە تەندروستی قژت دەدەیت :

• رۆژانە خواردنی تەندروست و ھاوسەنگ بخۆ و رێژەیەکی زۆر ئاو بخۆوە .

• بەکارھێنانی مەوادی سروشتی بۆ گرنگی دان بە تەندروستی قژ وەک گیراوەی لیمۆ و گوێزی ھیندی و سرکەی سێو و ھەنگوین چونکە ئەم مەوادانە ھەریەکەیان سوودی خۆی ھەیە بۆ قژ .

-شووشتنی قژی وشک بە گیراوەی لیمۆ بۆ ئەوەی جارێکی دیکە رەونەقی بێتەوە بەر.

- دروست کردنی پێکھاتەیەک لە ئاو و سرکەی سێو بۆ ئەوەی قژێکی رەونەقدارت دەست کەوێت .

- تێکەڵ کردنی ھەنگوین لەگەڵ دوو کوپ کرێمی قژ بۆ بەکارھێنانی بۆ قژێکی وشک .

* بەکارھێنانی ئەو شامپۆیانەی کە لە پێکھاتەی سروشتی پێکھاتوون وەک کیراتین و رۆزماری و گیایەکان .

* بەکارھێنانی شامپۆی گونجاو بۆ جۆری قژەکەت .

* ھەفتانە دوو تا سێ جار قژت بشۆ ، نا بێـت رۆژانە قژت بە شامپۆ بشۆیت .

* ھەفتانە جارێکی حەمام زەیت بۆ قژت ئەنجام بدە .

* ئەو بەرھەمە شامپۆیانە بەکار مەھێنە کە رێژەیەکی زۆر پرۆتینی تێدایە ، چونکە وا دەکات قژت وشک و لاواز بێت .

* دوای خۆ شووشتن با قژت بە ھێمنی وشک بێتەوە ، راستەوخۆ مجەفەی بۆ بەکار مەھێنە ، چونکە بەم شێوەیە قژەکەت تەندروستی خۆی لە دەست دەدات.

* ماوەی نێوان ٦ – ٨ ھەفتە قژت ببڕە بۆ ئەوەی بەشەکانی خوارەوەی باشتر بێت .

* بە ئاوی زۆر گەرم قژت مەشۆ ، چونکە دەبێتە ھۆی وشک بوونەوەی ق١ت .

* بەردەوام قژت بۆیە مەکە ، چونکە زیانێکی زۆر بە قژت دەگەینێت .

* با تەسریحەی قژت بە شێوەیەکی سادە بێت و زۆر توند مەیبەستە .

* دوور بکەوە لە زۆر خۆ ماندوو کردن ، چونکە پاڵەپەستۆ دەروونیەکان کاریگەری لەسەر رووتانەوەی قژ ھەیە .

* ھەندێک راھێنانی وەرزشی ئەنجامبدە ، چونکە بە شێوەیەکی گشتی بۆ لەش باشە و سوودی بۆ قژیشت دەبێت .

ئەم پرۆگرامە دابەزینە بو زانیاری زیاتر ...