Okuddamu Eyabuuza

Ntandika okuwandiika ekitabo kino n‟erinnya

lya Katonda Omusaasizi ennyo, Omusaasizi olubeerera. Amatendo amajjuvu gonna ga Katonda. Nsaba

Katonda okusaasira kwe n‟emirembe abisse ku

Mubaka we, wamu n‟abenju ye ne Baswahaba be,

na buli yenna amufuula munywanyl we.

Ebyo nga biwedde:

Ensi yaffe nsi ya Bwannabbi. Bannabbi mwe

baasibuka ne baleetera abantu Obubaka okuva eri

Katonda, abantu baffe ne babeera nga mwe muva

abasomesa, olwo amawanga amalala ne gagoberera.

Ekyo kyali bwe kityo kubanga obugunjufu obuzimbiddwa ku Bukkiriza bwasibuka mu nsi yaffe,

ebiseera we twabeerera nga ffe ggwanga erisinga

amalala agaaliwo obulungi.

Bwe tutunuulira ekyatuuka ku mwoyo gw‟omuntu ne kigusigamu okubuusabuusa, okutya, obweraliikirivu, okubulubuuta, n‟okubula, tukisanga nga

yali nsigo mbi eyamera n‟evaamu etti ebbi ekkolimire. Ensigo eyo embi bwe Butakkiriza, ate etti ebbi

ne liba nga kwe kubula.

Bwo Obukkiriza ye nsigo ennungi emeza omuti

omulungi, ogulina emirandira emigumu mu ttaka

xii

nga ate n‟arnatabi gaagwo geewuubira mu bbanga.

Bwe butyo Obukkiriza ne buba nga kye kifo ekituufu ekituukana n‟endaba ennuŋŋamu omuntu

omwenkamunkamu gy‟ateekwa okuba nayo; ate

Obutakkiriza ne buba nga kwe kuwuguka.

Naye bulijjo obugayaavu bw‟abantu abali ku

mazima, n‟okugasirikira bye bireeta obubuze okweyongera mu nsi. Era ekivudde mu by‟obutakkiriza

nti Katonda gyali, kwe kubonaabona, okudaaga,

okweraliikirira, obutatereera mu mitima, n‟ebizibu

by‟okuwuubaala omuntu by‟afuna nga agezaako

okunoonya emirembe n‟okutereera mu birowoozo.

Bbo abaagezaako okutereeza, baanoonya engeri

y‟okuvumulamu ebizibu bino kyokka eddagala baalisanga mu bubaka obwamazima Bannabbi bwe bajja

nabwo bwokka. Obubaka buno bwe buyinza okujjanjaba ebiwundu abantu bye balina n‟ebizibu ebibatawaanya ebiseera bino byonna.

Wadde nga twasigala mabega mu bya tekinologiya n‟amakolero, omugabo tulina munene mu

biryowa emyoyo n‟eddiini; kuba ebyo we bitali

tewaba bugunjufu obwannamaddala. Sso nga era

tewali nsi n‟emu eyali erokeddemu Obukkiriza obuva

eri Katonda okwenkana ensi yaffe