LTS

الحيوان والحيوان شهادة المنتج من النظام الأصلي.

Мал, амьтан аливаа өвчнөөс эрүүл байх нь эрүүл ахуйн шаардлага хангасан, чанартай аюулгүй бүтээгдэхүүн зах зээлд нийлүүлэх үндсэн суурь юм. мал, амьтны эрүүл мэндийн тухай шинэ хуульд мал амьтан, тэдгээрийн гаралтай бүтээгдэхүүний шилжилт хөдөлгөөн нь тухайн нутаг дэвсгэрийнхээ мал эмнэлгийн мэргэжлийн байгууллага, малын эмчийн хяналтан доор явагдана гэж заасан. Үүнийг шинэ хуулийн төсөлд “мал эмнэлгийн гэрчилгээ”-гээр баталгаажуулна гэж тусгасан байгаа.

Мал, амьтан тэдгээрийн гаралтай түүхий эд, бүтээгдэхүүн зах зээлд “ченж”-ийн системээр гарал үүслийн гэрчилгээтэй нийлүүлэгдэж байгаа хэдий ч энэ нь хүнсний аюулгүй байдлын бүрэн баталгаа байхгүй, нийгмийн эрүүл мэндэд өндөр эрсдэл үүсгэх нөхцөлтэй байна.

Нөхцөл байдал ийм байгаа тул мал, амьтан тэдгээрийн гаралтай түүхий эд, бүтээгдэхүүний мал эмнэлэг ариун цэвэр, эрүүл ахуй, гарал үүслийн гэрчилгээг (шинэ хуулинд “мал эмнэлгийн гэрчилгээ” гэж нэрлэсэн) илүү боловсронгуй болгож, малын бүртгэл дээр суурилсан мөшгих тогтолцоог хэрэгжүүлэх зүй ёсны шаардлага тулгараад байгаа. Малын бүртгэлжүүлэлт нь мөшгих тогтолцоог хэрэгжүүлж хүнсний аюулгүй байдал, гарал үүслийг баталгаажуулах гол хүчин зүйл болно.

Системийн зорилго:

• Малын бүртгэлээр дамжуулж мал, малын гаралтай бүтээгдэхүүний мал эмнэлэг ариун цэвэр, эрүүл ахуй, гарал үүслийн гэрчилгээ (мал эмнэлгийн гэрчилгээ)-г боловсронгуй болгох

• Зах зээлд нийлүүлэгдэж буй мал, амьтан тэдгээрийн гаралтай түүхий эд, бүтээгдэхүүний гарал үүслийг баталгаатай мөшгих боломжтой болох

• Мал, амьтан тэдгээрийн гаралтай түүхий эд, бүтээгдэхүүний шилжилт хөдөлгөөнийг хянах боломжтой болох

• Мал эмнэлгийн гэрчилгээний нэгдсэн мэдээллийн сан бий болгох

• Орон нутагт ажиллаж буй малын эмч, мэргэжилтнүүд, малчдын байгууллага, хоршоо, үндэсний үйлдвэрүүдийн уялдаа холбоо сайжрах