Panyuraos Kitab Suci Paska Jawa 2018

CV Imagin

Sep 29, 2018

12.5 MB
Dateigröße
Android 4.0+
Android OS

APK herunterladen

Wie installiert man eine XAPK/APK-Datei

Über Panyuraos Kitab Suci Paska Jawa 2018

Digitale Bücher - Java Beitrag Panyuraos Schrift 2018

Mangsa Paska sampun dhateng malih, ngajak kita minangka pasamuwan nindakaken „retreat akbar“, ngraos-raosaken maknaning gesang sesarengan kaliyan Gusti lan sesami. Patunggilan (dadosa awujud pasamuwan, brayat menapadéné masyarakat) dados wadhah kanggé kita nindakaken rèflèksi kasebat saha ngecakaken wohing rèflèksi kanthi tumindak nyata.

Jejer mangsa Paska warsa 2018 inggih punika: TRESNA, PITADOS LAN PANGAJENG-AJENG. Katresnanipun Sang Kristus dhumateng manungsa ndadosaken Panjenenganipun rila nandhang sangsara. Kanthi katresnanipun punika, Panjenenganipun nuntun kita supados saged ngrajut kekancan ingkang kebak katresnan. Mboten namung punika kémawon, katresnan kasebat kita tanggapi kanthi raos pitados. Tresna saha pitados ingkang kita raosaken kasebat nuwuhaken pangajeng-ajeng. Mekaten punika gagasan ingkang dipun rembakakaken wonten ing bahan-bahan ingkang kaaturaken ing buku punika.

Lumantar atur sapala punika, kawula ugi ngajak pasamuwan supados nindakaken padatan-padatan mirunggan ingkang dipun tindakaken ing mangsa Paska. Umpaminipun: nyiriki tetedhan (dhaging, lsp.) utawi kabiyasan tartamtu (ses/ngrokok, lsp.), siyam, “program amal katresnan” utawi sanès-sanèsipun. Mugimugi kegiatan-kegiatan kasebat saged langkung dipun raosraosaken malih kanthi langkung lebet satemah sami saged manggihaken teges anyar ingkang mirunggan.

Bab sanès ingkang prelu dipun gatosaken saha dipun tindakaken inggih punika rèflèksi sesarengan ing satengahing brayat. LPP Sinode tansah ngajak pasamuwan supados sami nguri-uri bab ingkang kados mekaten. Pramila ing buku punika kacawisaken bahan-bahan PA Brayat ingkang mligi kanggé brayat inti. PA Brayat kasebat kaajab katindakaken ing griyanipun piyambakpiyambak kanthi wawanrembag ingkang kebak katresnan.

Kauningana bilih bahan PA Brayat kasebat dipun rancang mawi modhèl Shared Christian Praxis (Berbagi Praksis Kristen). Ancasipun supados mbiyantu sedaya anggotaning brayat nggadhahi kapitadosan Kristen ingkang gesang, ingkang sangsaya mindhak-mindhak wewah, dadosa sacara pribadi menapadéné sesarengan minangka brayat.