Animais fondos Galicia

As costas de Galicia son o fogar dunha enorme variedade de animais. Con esta aplicación, realizada por mergulladores, queremos botar unha man a todo aquel que estea interesado en aprender sobre estes animais: nomes, costumes... Coídase o que coñece!

A aplicación é moi sinxela de empregar. Primeiro elixe un grupo de animais polo parecido externo: peixe, coral...

E unha vez dentro do grupo móvete adiante e atrás para atopar o organismo que buscas. Igual non é exactamente igual ao que viches pero o nome do máis parecido pode axudarte a atopalo.

Todos os grupos de animais teñen un apartado final para saber máis do grupo zoolóxico. Trátase de arquivos compartidos en Drive (tes que ter aberta a túa conta de gmail para velos) nos que ademais de información atoparedes páxinas na Internet nas que completar a identificación.