سیرت عائشہ رضی اللہ عنہا

Ibu CERT percaya dihadiri Aaih ہ (mungkin Semua ہ meninggalkan mereka)

علامہ شبلی نعمانی (رحمۃ اللہ علیہ) کے عزیز ترین شاگرد اور ا ن کی علمی و ادبی روایت کے امین سید سلیمان ندوی (رحمۃ اللہ علیہ) نے جلیل القدر خاتون، ام المؤمنین حضرت عائشہ (رضی اللہ عنہا) کی سیرت لکھ کر ایک عظیم کارنامہ انجام دیا ، آپ چودہویں صدی ہجری کے ممتاز ترین سیرت نگار تھے ۔

ایک مسلمان عورت کے لئے سیرتِ عائشہؓ میں اس کی زندگی کے تمام تغیرات ، انقلابات اور مصائب ، شادی، رخصتی، سسرال ، شوہر ، سوکن ، لا ولدی، بیوگی، غربت ، خانہ داری، رشک و حسد ، غرض اس کے ہر موقع اور ہر حالت کے لئے تقلید کے قابل نمونے موجود ہیں پھر علمی ، عملی ، اخلاقی ہر قسم کے گوہر گرانمایہ سے یہ پاک زندگی مالا مال ہے، اس لئے سیرۃ عائشہؓ اس کے لئے ایک آئینہ خانہ ہے، جس میں صاف طور سے یہ نظر آئیگا کہ ایک مسلمان عورت کی زندگی کی حقیقی تصویر کیا ہے۔

ایک خاص نکتہ جو اس موقع پر لحاظ کے قابل ہے، وہ یہ ہے کہ اُمّ المؤمنین حضرت عائشہؓ صدیقہ کی سیرۃ مبارکہ نہ صرف اس لئے قابل مطالعہ ہے کہ وہ ایک حجرہ نشینِ حرمِ نبوت کی پاک زندگی کے واقعات کا مجموعہ ہے، بلکہ اس لحاظ سے بھی اس کا مطالعہ ضروری ہے کہ یہ دنیا کے بزرگ ’’ترین انسان ‘‘ کی زندگی کا وہ نصف حصّہ ہے، جو ’’ مرأۃ کاملہ ‘‘ (کامل عورت ) کا بہترین مرقع ہمارے سامنے پیش کرتا ہے۔