Hive driver كباتن هايف

هايف هو ابليكيشن جديد لتوصيل الاولاد المدارس، و دي نسخة الكباتن.

يعني هيبقي مطلوب من الكابتن الي هينضم لينا انه يعدي علي الاطفال الصبح يوصلهم و يجبهم تاني من المدرسه اخر النهار، بحد اقصي ٤ اطفال.

طب ايه ميزة حاجه زي كده للكابتن

١- دخل شهري ثابت يبدأ من 1920 و ممكن يوصل الي 4160 صافي

٢- حوالي ساعه فقط الصبح و زييها في العوده، و باقي النهار فاضي

٣- بيكون الأطفال و المدرسه فى محيط منطقة سكنك يعنى مفيش تعب فى المشاوير

٤- نفس المعاد و الطريق هو هو كل يوم و نفس الاطفال

٥- عدد الاطفال لا يزيد عن ٤، و السن لا يقل عن ٦ سنوات

الاسعار كالأتي:

المسافه من البيت للمدرسه.:

من 0 الى 6 كليومتر بـ 480 ج

من 6 الى 10 كليومتر بـ 588 ج

من 10 الى 14 كليومتر بـ 696 ج

من 14 الى 20 كيلومتر بـ 856 ج

من 20 الى 30 كيلومتر بـ 1040 ج

السعر ده للطفل الواحد رايح جي، يعني لو المسافه من البيت للمدرسه ٦ كيلو انت هتقطعها في اليوم مرتين

طبعا العربية بيبقي فيها ٤ اطفال يعني ال 480 ج مثلا هيتضربوا في ٤، هيكونوا بـ 1920 ج فى الشهر..

عشان تقبل معانا إحنا بنقبل العربيات من أول موديل 2010.

و الي هييجي الاول هيكون عنده فرصه اكبر في اختيار الرحلات المفضله