Şah İsmayıl Xətai

Azərbaycan tarixində I Şah İsmayıl Xətai xüsusi yeri olan dahi şəxsiyyətlərdəndir. Azərbaycan Səfəvilər dövlətinin banisi olan I Şah İsmayılın dövründə Səfəvilər Yaxın Şərqin ən qüdrətli dövlətlərindən birinə çevrilib. O, kənd təsərrüfatını dirçəltmək, şəhərlərdə sənətkarlıq və ticarəti inkişaf etdirmək, xarici ölkələrlə iqtisadi əlaqələri genişləndirmək siyasəti yürüdüb. Görkəmli dövlət xadimi və sərkərdə, həmçinin gözəl şair olan Xətai Azərbaycan ədəbi dilinin inkişafında mühüm rol oynamışdır. Xətai şeirimizin ana dilində yazılmasına müstəsna əhəmiyyət vermiş, onun hakimiyyəti dövründə Azərbaycan dili nəinki hakim ədəbi dilə çevrilmiş, eyni zamanda dövlət dili səviyyəsinə yüksəlmişdir. Azərbaycan dilindən diplomatik yazışmalarda istifadə olunmuşdur. Şah İsmayıl Xətai 36 yaşında həyatının, yaradıcılığının, arzularının ən qaynar çağında dünyadan köçüb, lakin qısa ömrü ərzində gördüyü işlər ona ölməzlik qazandırır, onu Azərbaycan xalqının siyasi və mədəni tarixinin ən parlaq səhifələrindən birinin yaradıcısı kimi tanıtdırır. Onun tarix qarşısında gördüyü xidmətlər o qədər çoxdur ki, danışmaqla bitmir.

Əziz dostlar, həmçinin Sizi YouTube-da "Azərbaycan xalq nağılları" kanalındakı yeni layihəmizi izləməyə dəvət edirik!

https://www.youtube.com/channel/UCkyI4UcXEpaWB1TulwliOlg