قصة علياء(بالدارجة) 15 جزء

لا ا مي مانقدرش نتزوج بيه انا مازال صغيرة و باغا ندير داري و طوموبيلتي و نسيفطك نتي و با للحج

مي : بنتي مستقبلك هو دارك و راجلك حنا ماباغين منك والو بغيت غير نتهنا عليك .

غرغرو ليا عيني من بعد هاد الهدرة ماغانستحملش نبعد عليها دخل علينا با على غفلة مولاي العربي و من لا يعرفه لقاني كانتغبن و هو يخنزر فيا و قال : واش باغا تبقاي تاكلي ليا فالخبز هنا بلا فايدة لا زين لا قراية لا حداكة هاد السيد لي غايديك را بخيرو و خميرو و غاتعيشي فالنعيم

سمحو ليا زربت عليكم هادي الواليدة زهرة و با بغاو يزوجوني حيت بالنسبة ليهم البنت مصيرها دارها و الكوزينة اما القراية غير تخربيق .... كملو معانا القصة باش تعرفو اشنو وقع ليا فحياتي