Vijdon Azobi

Assalammu Alaykum.

Bizning aziz kitobxonlarimiz uchun navbatdagi ajoyib kitob. Siz ushbu kitobdan o’qir ekansiz dungyoga boshqacha nigoh bilan qarashni boshlaysiz. O’zingiz uchun yangidan yangi fikrlarni kashf qilasiz. Siz uchun juda foydali kitob. Oxirigacha o'qishni maslaxat beramiz. Sizlarga ozgina foydamiz tekkan bo’lsa bundan biz juda xursandmiz. Kitoblar Olami yozuviga bosib bizning ko’plab boshqa dasturlarimizni yuklab olishingiz mumkin.

“Shunday dardlar borki, tasallisi faqat iymondandir” (“Imomning maniken qizi” Amina Shanliko’g’li).

Mening fikrimcha bu yorug’ olamda inson zotiga berilgan ba’zi emas, barcha dardlarning davosi iymondadir. Fikrimning tasdig’ini yaqindagina tanishganim “Vijdon azobi” asaridan topdim. Ushbu roman bugungi kunda turk xalqining sevimli yozuvchilari safiga kirgan, asarlari eng ko’p mutolaa qilinayotgan Amina Shaniko’g’li tomonidan yozilgan va 1992-yilda to’plam holida nashr etilgan. Amina Shanliko’g’li asosan diniy mavzuda ijod etadi. Uning asarlarida islomiy tarbiyaning go’zalligi, nafosati ufurib turadi. Uning asarlaridagi g’oyalar asosan, iymon, tarbiya, ilm, qalb g’zalligi kabi muhim tushunchalarda jo bo’lgan. Hurmatli adibamiz esa bu tushunchalarning, jamiki biz bilgan go’zal narsalarning eng mukammal ko’rinishi, darajasi islom nuri bilan yo’g’rilgani ekanini ochib bermoqlikka harakat qilganlar. Alloh ulardan rozi bo’lsin.

Amina Shanliko’g’lining yozish usuli odatda ibrat usulidir. Xususan, ko’pchilik kitobsevarlar uchun tanish bo’lgan “Imomning maniken qizi” ham juda katta ibrat darsini o’tuvchi asardir. “Vijdon azobi” ham aynan ibratlarga, iymonimizni mustahkam qilish uchun talay o’gitlar olishimiz mumkin bo’lgan asar hisoblanadi. Roman maktub romanlar sirasiga kiradi va u turfa insonlar, qaysiki, vijdoni qiynoqda bo’lgan, afsuslardan to’lib, xatolardan nadomat chekayotgan insonlarning avfnoma, ibratnoma, iqrornoma, dardnomalaridan iboratdir. Ushbu maktublar “Vijdon azobi” nomli jurnalda chop etib boriladi va ba’zi maktublarga hamdardliklar, maslahatlar ko’rinishida javob xatlari berib boriladi. Maktublar bilan tanishar ekansiz son-saniqsiz, turlicha, hayratli, achinarli, alamli taqdirlar bilan tanishasiz. Barchasi turlicha, bir-biriga o'xshamas. Dardlar turlichayu peluru, fikr qilib qarasangiz barining davosi bitta. Bu – iymondir. Qahramonlarning har biri o’zining qilmislarini oqibatini so’zlarkan najotni faqat Allohdan topish mumkin ekanligini bot-bot isbotlaydi. Asarni o’qib faqatgina vijdon azobi egalari bilan tanishibgina qolmay, o’zingiz ham beixtiyor vijdoningizni so’roqqa tutasiz. Kuyunasiz, o’ylanasiz, afsuslanasiz, Qo’rqasiz