Шығанақ Ерсұлтан-Ойларым менің ойларым

Ақынды сыйла,ақынмен қалқам дос болғын,

Ақынмен досым,қонысыңды қос қылғын.

Ақын деген ақ көңілдің кескіні,

Керегі қанша орынсыз мадақ,мысқылдың.

*

Ақын деген мұзда,отта,су болған,

Кейде еңсеріп,кейде мұңнан жығылған.

Толғаныста толғақ атып бір өлең,

Туа сала жүрегіне тығылған.

*

Келші бермен,бойжеткен қыз қасыма,

Ақын ғашық,әр мұңыңа,жасыма!

Адам заттың таңғажайып үлгісі ол,

Ойлар мен ойлар ұя салған басына.

*

Қаламсабы,ақ парағы жолы ұлыс,

Пәк шабытта бола қоймас ұтылыс.

Өлең сүйгіш оқырмандар зерттеңдер,

Ақын деген ашылмаған құбылыс.

*

Аспан бұлты нөсер болса несі бар?!

Қара бұлттан,қара мұңның иісін ал.

Жаурағанда отты жырды сағынсаң,

Қарапайым ақыныңды есіңе ал...!