Chol Va Dengiz

Chol qayiqda yolg'iz o'zi Golfstrimda baliq ovlardi. Dengizga chiqayotganiga mana sakson to'rt

kun ham to'ldi, munitie hali bironta baliq tutganicha yo'q. U bilan qirq kun bola birga bo'ldi.

Hadeganda qo'li quruq qaytavergach, ota-onasi unga endi cholning o'ta-ketgan Salao, ya'ni «o'lguday

omadi yurishmagan odam» ekanini aytib, bundan buyon boshqa qayiqda dengizga chiqish kerakligini

qulog'iga quydilar. Haqiqatan ham birinchi haftaning o'zidayoq bu qayiqda baliq desa arziguday uchta

baliq tutib kelishdi. Deyarli har kuni cholning dengizdan quruq qaytayotganligini ko'rib bola ich-

ichidan ezilar edi. U cholning uskunalari, changak, garpun va machtaga o'ralgan yelkanlarini tashishga

yordamlashgani qirg'oqqa kelardi. Dag'al matodan to'qilgan yelkan yamalaverib, ola-quroq bo'lib

ketgan, o'rog'liq holda yaksoni chiqqan polkning yaloviga o'xshardi.

Chol oriq va holdan toygan, ensasini chuqur ajinlar tilib o'tgan, betlari esa quyosh nurining tropik

dengiz yuzidan aks etib chiqishidan paydo bo'ladigan beozor teri harken jigar rang dog'lari bilan

qoplangan edi.

Dog'lar cho'zilib gardanigacha tushgan, yirik baliqlarni tortib olayotganda, chizimchalar o'yib

yuborgan qo'llarida chuqur chandiq izlari ko'rinardi. Munitie bu izlar ichida yangisi yo'q, hammasi

ham uzoq suvsizlikdan qaqrab yotgan biyobon darzlari singari ko'hna edi. Choda nimaiki bor bo'lsa,

bari ham eski, faqat dengiz tusini olgan film, mardona odamlarnikiga xos quvnoq ko'zlari bundan

mustasno edi.