NaonedMirdi

Un arload ofisiel kinniget gant Kastell duged Breizh, mirdi istor Naoned

Un droiad videoheñchet e mirdi istor Naoned

An arload-mañ zo bet savet evit gweladenniñ ar c’hastell hag ar mirdi hag ho sikour da zizoleiñ an 32 sal eus mirdi istor Naoned. Doare-sevel ar 15vet kantved zo displeget dre ul leurennadur a vremañ, diwar-bouez 850 traezenn dastumet hag ardivinkoù liesvedia. Poltred kêr a gaver mesk-ha-mesk gant prantadoù meur eus istor Europa hag ar bed, eus Edid Naoned da gemmoù bras an 20vet kantved, en ur dremen dre ar morianeta hag ar c’henwerzh trevadennel.

Hervez an danvez ha red an amzer eo aozet arload sikour ar weladenn-mañ. Daou zoare displegañ a zo. Un displegadenn zigeriñ hag a ro ur sell a vras war an danvez kinniget e pep sal. Goude ez eus un heuliad displegadennoù pishoc’h evit degas muioc’h a sklêrijenn war an dra-mañ-tra, ar werenn-mañ-gwerenn pe doare-sevel ar sal-mañ-sal.

An danvez-se a c’heller kaout ivez war videoheñcherioù da feurmiñ pe da bellgargañ digoust dre wi-fi e sal-degemer ar mirdi.