Тарихатнама

Бұл жинақтаң құрылымы, өзегі Руханият әлемі болғанымен, мазмұны дүниелік тіршіліктің болмысына негізделген. Халқымыздың біртұтастығы, ұлттық мүдде, салт-дәстүр, ата-баба діні, ұрпақ тәрбиесі және жалпы адамзаттық, бейматериалдық құндылықтар өзара сабақтастырыла баяндалады. Жинақтың ауқымдылығы, қамтыған аясының кеңдігі, мазмұнының тереңдігі оның энциклопедиялық сипатын айқындай түседі.

Кітап – Руханияттың халін іс жүзінде сезінгісі келген көпшілік қауымға арналған.

Әлхамдилләһи раббил ғаламин уәл ғақтбату лил мүттақин уәс-салату уәс-саламу ғала расулиһи Мухаммадин уә ғала әлиһи уәсаһбиһи ажмағин. Әмма бағ.

Сұхбатымыз – бізден емес, Хазіретімізден болсын.

Алла тағалаға шексіз хамд-сәна шүкір айтамыз!

Алланың Хабибіне (с.ғ.с.), Пайғамбарына (с.ғ.с.) дуруд салауат, әттахият болсын!

Я, Раббым! Пайғамбарымыз Мұхаммед Мұстафаға (с.ғ.с.) үмбет қылғаныңа шүкір!

Хазіреті Имам Ағзам (р.а.) піріміздің қауымынан қылғаныңа шүкір!

Әһлі-сүннет уәл-жамағат қауымынан қылғаныңа шүкір!

“Пірі бар” деп, Хазіреті пірімізге мұтағабат қылып, піріміздің етегінен ұстатып, Аруақты сыйлайтын, Аруақты түсінетін бір пірәдар болып қалғанымызға шүкір!