Bezangan Kelinchak

Koʻpchilik hamma narsani boylikka sotib olsa boʻladi deb

oʻylab, avvalo oʻzlarini boylikka sotishadi. Bir boʻlak oltin

goʻyo qorani oq, xunukni chiroyli, adolatsizni odil, naslsizni

aslzoda, keksani yosh, pastkashni botir qilishga yetadiganday

tuyuladi. Aslida esa aksincha: boylik – oltin ketidan quvish

jannat yoʻlidan adashib doʻzax jari tomon borishdan oʻzga

narsa emas.

Biz mol-mulkimizni nazorat qila olsakkina boy va

mustaqil boʻlamiz. Aksincha, mol-mulkimiz bizni nazorat

qilsa, haqiqatda faqir yashaymiz. Choʻntak teshilsa, uni

pul bilan toʻldirishning hech bir foydasi yoʻq. Dunyoning eng

katta fojiasi kambagʻallik emas, boylikka toʻymaslikdir.

Dunyoning eng boyi tejamkorlikni bilgan, eng qashshogʻi esa

xasis odamdir.

Boylik ketidan bekorga quvib, hech narsaga erisha

olmasdan, oʻzgalarning duosini olmasdan, oʻzi-oʻzidan ham

koʻngli toʻlmasdan, hamma narsasini boy bergan, omadsiz,

hayotida birorta ham odamni baxtli qila olmagan-insonning

oʻlimi qanday daxshat?!

Mazkur kitobda shu kabi muammolar xususida bahs

yuritiladi.