Абзал Алтый-Бөлек кеңістік!

****************************************************

Санама кеп,

Сан қиялды сары уайым қамап əлек...

Жұргендер ұйқас-ойсыз"өлең" жазып,

Ауылынан ақындықтың садаға кет..

деп жазған Ерзат Төлештің өлеңін оқып, мəйекті сөз іздей бастағанда, Абзал Алтыйдың өлеңіне кездестім күтпеген жерден. Буыны шымыр, айтпағы айқын жырларын оқып бір серпілгенмін. Бір ғана тақырыпта айналып шыға алмайтын ақындар бар, жəне қоғам мен адамның арасын алтын көпірдей жалғастыратын санаулы ғана ақын бар.

Абзалды сол санаулы ақындардың қатарынан көргім келеді.

" Өмір-уақыт, жылы леп үрлегенде

Мұз-сағаттың тілінде кеттім еріп."

деп, бүкіл өмір мен ажалдың арасын екі ауыз сөзге сыйғызған ақын,

Не үйреттім?

Нені үйрендім?

Кім білед..?

Шамам келсе айтатыным шындық ед..

Біреу келіп сүйіп жатса бетімнен

Сырттан қарап, біреу тұрды "жынды" деп.!

....ақын жаратылысындағы құбылысты ап-анық айтып, алдыңа жая салады.

Қаламдас ретінде, жоғары бағалаймын, құрметтеймін. Жырлары өміршең болар ақын, алғашқы күннен бастап-ақ елдің қырағы көзіне ілінеді. Халық ақын деп бағаласа, демек сіз, ақынсыз.!

Еңбек алды туындыңыз болашақ ұлы өнерге ашылған алтын қақпа болсын.!

Құрметпен_____Мехнат Теміртасқызы.