Эртаклар - яхшиликка етаклар

Эртаклар.уз сайти ўз фойдаланувчиларига ўзбек халқ ва жаҳон халқлари эртакларини расмли матнлар ва аудио форматларда тақдим этади!

«Халқнинг аниқ мақсад сари ҳаракат қилиши, давлатманд бўлиши, бахтли бўлиб иззат-ҳурмат топиши, жаҳонгир бўлиши ёки заиф бўлиб хорликка тушиши, бахтсизлик юкини тортиши, эътибордан қолиб, ўзгаларга тобе ва қул, асир бўлиши уларнинг ўз ота-оналаридан болаликда олган тарбияларига боғлиқ» (Абдурауф Фитрат)

Ўзининг мафтункор сеҳри, туганмас шукуҳи, дилни ром этувчи жозибаси билан ҳамиша қанотланиб турувчи халқ эртаклари инсон хаёлотининг мевасидир.

Кишилар ўз қисматининг чигалликларини ечишдан ожиз қолган чоғларда, эртак уни нурли қанотларида умидли манзилларга кўтариб ўтган.

Башарият ҳали зулмат қўйнида нажот йўлларини қидириб, асрлар мобайнида кимсасиз тақдир сўқмоқларида тентираб юрган онларда эртаклар уни хаёлот қанотида зиёбахш соҳилларга элтган.

Бир сўз билан айтганда, эртак инсониятнинг беғубор болалиги етиштирган самарадир. Бинобарин, унинг таъриф-у тавсифига тил ожиз, қалам — беҳол.