Taleem Ul Islam تعلیم الاسلام

دین اسلام ایک کامل ضابطہ حیات ہے جس میں تمام افراد کے حقوق و فرائض کو مکمل طور پر بیان کیا گیا ہے۔ لہذا اگر ہر شخص اپنی ذمے داریاں پوری کرے اور دوسرے حقوق ادا کرتے رہیں تو مسلم معاشرہ امن وامان کا ایک مثال گہوارہ بن سکتا ہے کیونکہ اس کی تعلیمات میں دینوی واخروی دونوں قسم کے فوائد موجود ہیں جو ایک بہتر زندگی کی ضمانت ہیں۔ زیر تبصرہ کتاب ” تعلیم الاسلام “ مولانا مفتی کفایت اللہ دہلوی کی تصنیف ہے۔ فاضل مصنف نے اس کتاب میں انتہائی آسان سوال وجواب کی صورت میں عوام الناس کے لیے عقائد، عبادات اور معاملات سے متعلق اسلامی تعلیمات کو بیان کیا ہے۔ فاضل مصنف نے تمام احکام و مسائل کو عام فہم انداز میں تحریر کیا ہے تاکہ ہر مسلمان اس سے آسانی سے استفادہ کر سکے۔