Odamiylik mulki

Tohir Malik

ODAMIYLIK MULKI

(Axloq kitobi)

Toshkent «Istiqlol» 2005

Mas’ul muharrir: Muhammad Sharif JUMAN

Taqrizchi: filologiya fanlari nomzodi Abdumurod TILAVOV

Bismillahir Rohmanir Rohiym.

«Darhaqiqat, Biz Odam bolalarini aziz-mukarram qildik va ularni barrubahrda - quruqlik va dengizda (ot-ulov va kemalarga)

chiqarib qo‘ydik hamda ularga halol-pok narsalardan rizqu ro‘z berdik va ularni O‘zimiz yaratgan juda ko‘p jonzotlardan

afzal-ustun qilib qo‘ydik. »

(Al-Isro surasidan)

Sizlaru bizlarni go‘zal suratda yaratgan va cheksiz ne’matlarga burkagan Rabbimiz Alloh taologa cheksiz hamdu sanolar aytamiz.

Buyuk Parvardigorning buyuk irodasi ila buyuk vazifalarni yelkalarida ko‘targan va sizu bizga hidoyat yo‘lini ko‘rsatgan

suyukli payg‘ambarimiz Muhammadga salavot và salomlar yo‘llaymiz. Allohning inoyati và marhamati ila ko‘p

yillik niyatimizni amalga oshirmoqqa kirishyapmizkim, bu ishimizni ham Yaratganning O‘zi xayrli qilg‘ay.

Shu paytga qadar badiiy ijodda yaxshimi-yomonmi mashqlar qilib, o‘zimizni sinab ko‘rdik.

So‘ng odob bobida birodarlarimizga nafi tegar, degan umid bilan «Mehmon tuyg‘ular» nomida bir kitobchaga tartib berdik.

So‘ng uni to‘ldirib, «Imonlashish umidi» degan nomda e’tiborprisizga havola etdik.

Keyin esa farzandlar tarbiyasida foydali bo‘lib qolar, degan maqsadda bir risola yozib unga «Jinoyatning uzun yo‘li» deb

nom berdik.

Bu yo‘nalishdagi urinishlarimizni endi mazkur odob risolasi nihoyasiga yetkazar, insha Alloh!