ته‌فسیری ڕێبه‌ر

لە تایبەتمەندییەکانی ئەم تەفسیرە

1- هەموو ئایەتەكان تەفسیر كراوە.

2- ژمارەی ئایەتەكان لە كۆتایی ئایەتەكان نوسراوە.

3- منوی ناو سوورەتەكانم بە كوردی نوسیوە، وەكو: (الحدید، واتە: ئاسن).

4- ناونیشانم بۆ ئایەتەكان داناوە.

5- سوورەتە مەککیو مەدەنی یەكانم دياري كردووە.

6- هۆی هاتنە خوارەوەی ئایەتەكان باسكراوە.

7- ئەگەر هۆی هاتنە خوارەوەكە درێژ بێت ئەوا كورتم كردۆتەوە، وەكو بوهتان كردن بۆ عائیشەی دایكی باوەڕداران لە سوورەتی (نور: 11-22) كە هۆی هاتنە خوارەوەی پێنج لاپەڕەیە، وە ئەو سێ هاوەڵەی كە لە غەزای تەبوك دواكەوتن لە سوورەتی (تەوبە: 118 )

8- ئایەت هەیە دوو هۆکاری هاتنە خوارەوەی هەیە هەردووكیم باس كردووە وەكو سوورەتی (نور: 61).

9- ئایەت هەیە دووجار دابەزیووە ئاماژەم پێکردووە وەكو سوورەتی (ئیسرا: 85) لەسەر روح لە مەككەو مەدینەیش دابەزیووە.

10: ئایەت هەیە زیاتر لە تەفسیرێكی هەیە بە کورتی نوسیوومە بۆ نمونە وەكو لە سوورەتی (غفر: 32) وە (سەجدە: 16) وە (فەجر: 3) وە (موددەثیر: 4) وە چەندەها ئایەتی تر.

11- زۆربەی ئایەتەکان تەفسیری گەورە زانایانی پێشینە چاكەكانی ئەم ئوممەتەیە

12- باس نەکردنی ئیسرائلیات بەڵام ئاماژەم پێردووە بۆ ئاگادار بوون و وریا کردنەوە

13- خۆبەدور گرتن لە خورافاتو رووداوی ناراستو فەرموودەی لواازو هەڵبەستراو کە لە زۆرێک لە تەفسیرەكاندا دەبینرێت تەنانەت لە تەفسیرە عەرەبییەكانیشدا، بەڵكو هەندێك جار پێت سەیرە كە لە تەفسیرە باشەکانیش بس كراوە بە بێ قسە خل لەسەرى.