Гыйбадәте Исламия. Ислам нигез

Ислам нигезләре. Гакыйдә, фикх: тахарат, намаз, ураза, зәкәт, хаҗ, дуа һ.б.

Кардәшләр! Бу китап мөселман өчен бик кирәк булган ярдәмче. Ислам динен өйрәнеп килүчеләр өчен - бигрәк тә! Көндәлек сорауларның күбесенә җавапларны таба алырсыз.

Бу китапны күп тапкыр укып чыктым, бастырырга әзерләгәндә, мәчеттә укытканда ...

Ин шә Аллаһ, китапта хаталар булырга тиеш түгел.

Танылган татар галиме Әхмәдһади Максуди хәзрәтләренең «Гыйбадәте Исламия» китабы гасырдан артык гыйбадәт кылуда ярдәмлек ролен башкарган классик дәреслек, татар халкының, мөселманнарның рухи мирасы булып санала. Бу китапта Хәнәфи мәзһәбе шәригате гадиләштерелгән вариантта тәкъдим ителә. Хезмәттә исламның биш баганасы турында сөйләнә. Аның мәгънәсе, нәрсә өчен кирәклеге һәм куллану рәвеше аңлатыла. Автор Әхмәдһади Максуди диндәге әһәмиятле һәм шул ук вакытта четерекле мәсьәләләрне гади һәм бар кешегә дә аңлаешлы тел белән бәян итә алган. Китап диндә беренче адымнарын ясаучыларга да, шул ук вакытта исламда күптәннән булучы кешеләр өчен дә файдалы һәм актуаль булып тора.

Китап битләрендә Коръәни Кәримдәге аять-сүрәләр урын алганлыктан, басмага игътибарлы булуыгыз сорала.