Түн ішінде жүреді періштелер!

Ерхан ағаға!

Талай сынға құламай,

Төзіп келеді екенсіз.

Жазғанынан тағдырдың,

Озып келеді екенсіз.

Келбетіңе қарасам,

Мысын басар талайдың

Оу, жарқыным, ағатай,

Озық денелі екенсіз.

Өлең тасы -

Терең оймен қаланған,

Тың туынды

Туа берсін қаламнан.

Сізден тағы -

Түрлі жырлар күтемін

Ой салатын,

Жас өренге сан алуан.

Қаламыңыз ұшталсын, -

деп қалайын,

Таң қылатын

Арулардың талайын.

Жырыменен оятатын Алашты,

Қазағымның сәулесіне балайын.

(с) Гүлдана БЕКБОЛАТ

28.05.2017ж