Iblis Hamlasi 2-Kitob

Жозеф Ҳовард

ОМЕН (ИБЛИС ҲАМЛАСИ)

(иккинчи китоб)

МУҚАДДИМА. ЭТТИ ЙИЛ ИЛГАРИ

Бутун дунёга машҳур археолог Карл Бугенгаген асабийлашарди. У худди кўрсичқондек ер

қазирди. Лекин Бугенгаген бунчалик чуқурликка тушганидан асабийлашмаётганди. Аксинча,

унга бу ер ёқарди. Намлик ва зулмат унинг ширин хотираларини уйғотарди. Ер қаъри

қабристондек жимжит эди.

Кутилмаганда археологнинг қулоғига қандайдир шитирлаган товуш чалинди. Бугенгаген

қўрқоқлардан эмасди. Унинг ёши элликдан ўтган бўлса-да, Карл ҳали ҳам қоматини сақлаб

қолганди. У худди қадимги грек атлетлари сингари елкадор ва бўйи баланд эди. Оқараётан

сочи ва соқоли ўткир нихоҳи билан қўшилиб археологга қандайдир виқор бағишларди.

Бугенгаген бу ерда, Исроил эри остида Шайтоннинг мавжуд эканлигини исботловчи далил

изларди.