Тавба китоби - Имом Ғаззолий

Абу Ҳомид Ғаззолий Иҳёу улумид-дин

ТАВБА КИТОБИ

Таржимон ва луғат тузувчи филология фанлари номзоди

Рашид Зоҳид

"Мовароуннаҳр" 2003

Ушбу китоб улуғ имом, “Ҳужжатул-Ислом” Муҳаммад ибн Муҳаммад ибн Аҳмад Абу Ҳомид Ат Тусий Ал-Ғаззолийнинг Байрутда нашр қилинган ИВ жилдлик “Иҳёу улумид-дин” (“Дин илмларини жонлантириш”) асаридан танланди.

Китобда тавба амали билан боғлиқ барча ҳолат-хусусиятлар Қуръон, ҳадис ва солиҳ салафларимизнинг сўзлари асосида батафсил ёритилган.

“Тавба китоби”дан Ислом тарихи, иймон асослари ва тақво масалаларига қизиққан кенг китобхонлар оммаси фойдаланишлари мумкин.

Жамики махлуқоти ичра инсонни мукаррам этиб яратган, инсонлар ичида бизни мусулмонлар жумласидан қилган Аллоҳ таолога ҳамдлар бўлсин!

Инсонни жаҳолатдан маърифатға. зулмдан адолатга, ҳалокатдан иажотга бошлаган ҳидоят элчиси Пайғамбаримиз Муҳаммад алайҳиссаломга дуруд ва саловотлар айтамиз.

"Одам фарзандларининг барчаси кўп хато қилгувчидир. Хато қилгувчиларнинг яхшиси тавба қилувчиларидир",- деб марҳамат қилади сўзлагувчиларининг энг рост-гўйи Расулуллоҳ саллАллоҳу алайҳи васаллам.