حر: تحرر من الادمان الرقمي

الإدمان على المواقع الإباحية يسرق وقتك وتركيزك وراحتك النفسية، وكل مرة تقرر تبطّل تلقى نفسك رجعت من جديد. حُر صُمم عشان يكسر هالحلقة ويوقف معك خطوة بخطوة.

حُر تطبيق عربي يحجب المواقع الإباحية والمحتوى الصريح من جذوره، ويساعدك تتعافى من الإدمان وترجع تتحكم بنفسك بدل ما المحتوى يتحكم فيك.

كيف يساعدك حُر؟

◇ حجب المواقع الإباحية تلقائيًا في المتصفح وداخل التطبيقات، بدون ما تحتاج تضبط أي شيء.

◇ فلتر للكلمات والمواقع تقدر تضيف له أي موقع أو كلمة تبي تتجنبها.

◇ احجب أي تطبيق يجرّك للمحتوى: تيك توك، انستقرام، يوتيوب، تويتر.

◇ وضع التركيز: تقفل المشتتات لين تخلّص شغلك أو مذاكرتك.

◇ الحد اليومي: تحدد للتطبيق وقتًا يوميًا، وإذا خلص الوقت ينحجب لين بكرة.

◇ جدولة الحجب حسب أوقاتك: قبل النوم، وقت الفراغ، اللحظات اللي تضعف فيها.

◇ حماية ضد إلغاء التثبيت: عشان لحظة ضعف ما تكسر قرارك وتلغي الحماية.

◇ شريك المساءلة: تختار شخص واحد تثق فيه يكون سندك في طريق التعافي.

كيف يستخدم حُر خدمة إمكانية الوصول (Accessibility Service)؟

يستخدم حُر خدمة إمكانية الوصول في أندرويد (AccessibilityService API) لتشغيل ميزات الحجب الأساسية، ولا يمكنه حجب أي شيء بدونها. أنت من يفعّلها بنفسك أثناء الإعداد، وتقدر توقفها في أي وقت من: إعدادات أندرويد ‹ إمكانية الوصول ‹ حُر.

يستخدم حُر هذه الخدمة من أجل:

◇ معرفة التطبيق المفتوح حاليًا على الشاشة، عشان يغطّي بشاشة حجب أي تطبيق محظور، أو مقفل بوضع التركيز، أو خلص حده اليومي.

◇ قراءة عنوان الموقع في شريط عنوان المتصفح، عشان تنحجب المواقع الإباحية والمواقع اللي بقائمتك قبل ما تفتح.

◇ قراءة النص الظاهر على الشاشة داخل التطبيقات اللي تختار تفلترها (مثل تيك توك، انستقرام، يوتيوب، تويتر)، عشان ينحجب المحتوى اللي يطابق كلماتك المحظورة.

◇ اكتشاف محاولة إزالة تثبيت حُر أو إيقافه، عشان تستمر حماية إلغاء التثبيت طول مدة التزامك.

كيف نتعامل مع بياناتك؟

◇ كل ما سبق يتم على جهازك مباشرة ولحظيًا. النص الظاهر وعناوين المواقع تُقارن بقائمة الحجب حقتك ثم تُهمل فورًا.

◇ حُر لا يسجل ولا يخزن ولا يرسل محتوى شاشتك ولا ما تكتبه ولا سجل تصفحك، لا لنا ولا لأي جهة أخرى.

◇ حُر لا يجمع كلمات المرور ولا بيانات الدفع ولا محتوى رسائلك.

◇ بيانات خدمة إمكانية الوصول لا تُستخدم للإعلانات ولا تُباع ولا تُشارك مع أحد.

حُر معناه إنك حُر. مو مجرد تطبيق حجب، خطوتك الأولى نحو غض البصر، صفاء الذهن، والرجوع لأهدافك وعلاقاتك اللي تستاهل وقتك.

ابدأ اليوم. احجب أول موقع في أقل من دقيقة، وخذ أول خطوة نحو حياة أنظف وأهدأ.