Sahobalar

Sahobalarni yaxshi ko'rish va ularni payg'ambarlardan keyin eng afzal insonlar bo'lgan، deb e'tiqod qilish har bir musulmonning burchi hisoblanadi. Chunki ular muqaddas Islom dinini butun bashariyatga etkazish yo'lidagi barcha mashaqqatlarni zimmalariga ko'targan hamda bu vazifani to'la-to'kis ado etgan zotlardir. Shuning uchun dinini ulug'lagan har bir musulmon ularni ham ulug'lashi lozim bo'lib qoladi.

Sahoba so'zi lug'avi jihatdan "Do'st bo'lmoq"، "Birga yurmoq" kabi ma'nolarni anglatadi.

Istilohda esa "Iymon keltirgan holatda Rasululloh (s. a. h) bilan ko'rishib، Mo'min holida vafot etgan kishi sahoba deyiladi.