المقدم انس : هجولة ودرفت

مود اللعبة - درفت اوفلاين بمابات مفتوحة، اولاً تحدد الوزنية الي بتمسك طارتك عليها بين كلاسيكية\تفجير\هجولة أو وزنية خاصة فيك تعدل فيها على تعشيقة القير، دفع الكفرات والإطارات. موسم جديد مع كل تحديث يفتح لك مزايا وهدايا كثيرة مرتبطة ببطولة الموسم، المقاومات سباق و تحدي ما يقدر لها إلا ملوك الطاره. مود التفجير يعطيك مساحة حلبة بجماهير التشجيع تحرق فيها الكفر لين ينفجر.

لعبة تفاعلية واقعية - التفاف الكفرات وفيزيائية السيارة تشبه الواقع كثير بالهجولة والاصطدام. المحطات اضيفت في المابات مع قدرة التعبئة لما يخلص التانكي. اصوات المكاين حسب السيارة الي تختارها وتضبط وزنيتها، مكاين سحب فلوس لو احتجت كاش ودراهم، والمطاعم تنزل لك بخاري وسمبوسات على كيفك. البقالات ايضاً تفاعلية ومحلات غسيل السيارات واستراحات ومسجد وكثير! تقدر تصنع محتواك الخاص بسيرفر عام او خاص.

المابات والأجواء - لعبة تنقل لك الواقع اللي تشوفة إلى واقع افتراضي على جوالك، ٦ مابات بتعجبك (الدائري - طويق - المدينة - الخط السريع - تقاطع الفروسية) ومن ضمنهم حلبة الهجولة للتفجير. وتقدر تختار الطقس والوقت الي يناسب مزاجك شمس\مطر و ليل\نهار.

نبقى على تواصل - خاصية الشات الصوتي والكتابي بلا حدود متوفرة لكل الشخصيات الهامة VIP ، تقدر تضيف اشخاص وتتحداهم او بس سوالف وتعارف. تقدر ايضاً تعطي اللاعبين لايك على الكراج\الحساب ومين اكثر لايك ياخذ وسام اللايك يومي\اسبوعي و برونزي\فضي\ذهبي، وانواع الاوسمة تحدد مركزك في لوحة المتصدرين وتعطيك شهرة، اوسمة (عضو تميز - امير - وزير - شيخ - مدير - موظف) او اوسمة (الاكثر دخول - الاهداء - اعلى وقت لعب - اعلى عدد فوز - نقاط خبرة "XP" - افضل كراج - اعلى لايك). ولو عز عليك احد تهديه مفاتيح\حزمة الشخصيات المهمة VIP\السيزن باس (الموسم)\قروش.

الموسم (البطولة) - مسار للمطانيخ ومسار مجاني، مع نزول الموسم في كل تحديث تنطلق فعاليات كبيرة للسيارات والهدايا والحصريات. بطولة مقاومات على مستوى اللعبة بين اساطير ملك الطارة، 30 يوم من المتعة والترفيه تحصل فيها على معززات سرعة\مفاتيح\قروش والأهم سيارات حصرية فقط للمشتركين بالموسم!

مهام يومية - كل يوم تتحدث المهام متعه لا نهائية، تزيد من نقاط الخبرة "اكس بي" تحتاجها برفع المستوى "اللفل" والي يفتح لك مجموعة أكبر من السيارات القوية و السريعة الفتاكة!