كتاب فن الصياعة (دارين المسلماني)

كل ما أرادَ أن ينصح به الأب بناته وخجل، وكل ما أراد أن ينصح به الأخ أخته وخشيَ عليها خوض التجربة، وكل ما أراد أن ينصح به زميلُ العمل زميلته ولكن خاف المنافسة. دارين المسلماني؛ تخرجت في جامعةِ الإسكندرية، كلية التجارة، قسم اللغة الإنجليزي، حاصلة على جائزة التنوع والتضمين أثناء عملها في كبرى الشركات العالمية

اللي بين إيدك ده كتاب لو مشيتي عليه هاتحققي أسعد حياة ممكن تتعاش في الدنيا إقريه مرة واتنين وارجعيله كل لمَّا تعطلي علشان حيفكرك عطلتي في إيه، وده مش معناه إنه كتاب زي القرآن والإنجيل لو ضليتي عنهم هاتضيعي.. لكن هو كتالوج حياة لشخصية مثالية... مش لازم تعملي كل كلمة قرتيها عشان تنجحي.. ممكن تفوقك في نص اللي قرتيه يبقى كفاية عشان تحققي أهدافك... يعني مثلًا: أنا قولتلك أربع صفات عشان تبقي فتاة أحلام.. لكن لو كان عندك صفة واحدة منهم أو اتنين منهم وكنتي متفوقة فيهم والحاجات التانيه محققة فيها مستوى مقبول.. ده ممكن يبقى كفاية عليكي عشان تعيشي أحلى قصة حب... كمان قولتلك على 60 تكنيك للنجاح في الشغل.. الـ60 دول ضامن... لكن برضو لو تفوقتي في 10 أو 20 حاجة منهم ده ممكن أوي يكون كفاية عشان تنجحي في شغلك... وخليكي فاكرة..ما لا يُدرك كله.... لا يُترك كله.