UPC-NEI, SS 2025 eBook

ABUSEMPA THUMAKAI

United Pentecostal Church of North East India General Sunday School Board in kum 2025 Pilhing Sunday School a jildingin Galatia, Ephesus, Philippi leh colossae lekhathot hilchetna boldingin deisahna eipeuvin, eideisah nau chu kipa um kasah toh kilhonin kahuphul lheh jengin ahi. Ahinlah, eihin got hou chun bolthei dinga eitahsan jehuvin kakipah in, thuphatna chi in jong kagel pon, kipah tah in kapom in ahi. Full time a kanatohna lama kaboi behseh jehin kadei bangin abul kapan vah theipon, Pensiona kapot jou nungin kinle bongin kahin boi ngallin, Pathen panpi najallin kahin boljou theitan kaki pah lheh e.

Hiche Paul lekhathot ho hi Juda leh Jentail Christain te tahsan na lama achinghoi, akaihoina lekhabu thu poimo tah ahijehin tulai khanga houbung ho dinga hetchen louva khoh ahisoh keiyin ahi. Sunday Schoola kihilna dinga kijih ahijehin kas’ut jaobeh pon, hetbai lam thei pen dinga kahin sut ahi. Ahinlah, athu jil ho dinghin Pathen thu hetna lama aphatchompi diu kaki neme. Hiche hilchetbu kisut dan lhangpi chu hiti hi ahi.

Hiche hilchetna hi ‘Holy Bible Mizo(Lushai)- (O.V.) Re- edited ‘17BSI Version’ a kona kisem ahi.

Mizo Bible ledoh thah, Mizo Bible C.L. (Comon Language) hi abusung thu suhchetnaa kimangpen chu ahi.

A sungthua hi paodang jao tam lou thei pena kigong hijongleh, thil s’utjao ho dinga apoimo khah leh tia paobul lam thucheng ho bracket sunga akikoijin, i-nop leh simkan thei thou ahi.

Sunday School Simmun bua ana kikoi ji bangin Jilkungho leh athu jil ho dinga akigonnau panpi ahitheina dingin Simmun achaina lam ah akijildoh hole dohna ho akikoijin ahi.

Simmun kichaina lamah Endnotes leh lekhabu panpi dinga kilaho(Bibliography) akisulangin, ka thulahna lekhabu ho venoma dingin simmun chom chom le endnotes number ho hi vettoha bailam chaa vet peh thei ahi.

Chule, General Sunday School Lekhabu avedih (Editing committee) hon abusung thu hoitaha avetchiluva, semphat ngaiho asemphat uva, Mizo pao kisut dan adihthei pena eisemtoh peh jehuvin achunguvah lunggil tahin kipathu kaseiye.

Hiche lekhabu hi athu jilho jousen Lhagao lam phatthei bohna chang ngeiju leh ti kadeisahna sangpen leh kataona ahi.

Sd/-

Date 15.10.2024 (REV. R. LALRINSANGA)

Salem veng Mualpui, Aizawl.