Қазақша есімдер мағынасы

Ер балаға қойылатын қазақша есімдердің толық тізімі мен олардың мағынасы.

Адамның есімі оның өмірі мен тағдырына әсер етеді дегенді жиі естиміз. Тіпті "адам өзінің азан шақырып қойған атына сай өмір сүреді" дейді дана халқымыз. Сондықтан болар, қазақ халқы шыр етіп дүние есігін ашқан сәбиге ат қою рәсіміне ерекше мән берген. Біреулері жаңа туған сәби болашақта елге сыйлы, абыройлы, атақты болсын деген ырыммен белгілі тұлғалардың есімін берсе, енді бірі заман көшінен қалыспайық деген оймен айтылуы да, естілуі де әдемі "сәнді" есімдер таңдайды.

Азан шақырып, ат қоярда сәбидің ата-анасы ырымдап, жасы үлкен, сыйлы адамға қолқа салады. Ағайын-туыс жиналып, ат қоятын адам сәбиді қолына алып, "Аллаһу әкбар" деп азан шақырып, сәбидің оң құлағына есімін үш рет қайталап айтады. Бұл баланың есінде сол есім қалсын, құлағына сіңсін деген ниетпен жасалады. Сондықтан азан шақырып, ат қою қазақ халқының мұсылмандық жоралғысының қалыпты қағидаларының бірі болған.

Бүгінде Қазақстанда қазақы аттардан бөлек, араб, иран, грек, тіпті испан тілдерінен енген, жақсы мағына беретін есімдерді қою кең тараған. Оны сәбилерге ең жиі қойылатын есімдердің шығу төркінінен-ақ аңғаруға болады.

ер / ұл балаға мен қыз балаға