زانیاری بو ژنانی دووگیان

خانمان لەو کاتەوەی دەزانن دوگیانن پزیشکێکی تایبەت بە خۆیان دیاری دەکەن کە سەردانی دەکەن بۆ ئەوەی ڕێنمایی تەواویان پێ بدات ھەتا ئەو کاتەی منداڵیان دەبێت، بۆ ئەوەش زۆر پێویستە ئافرەت لە ماوەی دووگیانیدا ئەم پرسیارانە لە پزیشکەکەی بکات بۆ ئەوەی زانیاری تەواوی لەسەر وەربگرێت.

١-چ جۆرێک لە خۆراک ھەیە کە لەگەڵ سکەکەی تۆ گونجاوە و دەتوانیت بیخۆیت؟

بۆ ئەوەی توشی ھەڵە و کێشە نەبیت باشتر وایە ئەم پرسیارە لە پزیشکەکەت بکەیت بۆ ئەوەی ڕێنمایی تەواو پێویستت پێ بدات نەک خەڵکی ئاسایی و خواردنە بەسوود و زیانبەخشەکانت بۆ جیابکاتەوە.

٢-جووتبون لەماوەی دووگیانیدا ئاساییە یان نا؟

ھەندێکجار جووتبون مەترسی لەسەر دووگیانی دروست دەکات لەبەر ئەوە باشتر وایە خۆت و ھاوسەرەکەت لەسەر ئەم بابەتە زانیاری تەواوتان ھەبێت.

٣-ئەو ڤیتامین و تەواوکەرە خۆراکیانە چین کە لەشت پێویستی پێیەتی؟

جەستەی ھەندێک ئافرەت لەماوەی دووگیانیدا لاوازە و پێویستە ڤیتامین و تەواوکەری خۆراکی وەربگرێت بۆ ئەوەی لە توشبوون بە نەخۆشی پارێزراوبێت.

٤-ئەو چالاکیانە چین کە لە ماوەی دووگیانیدا دەتوانیت ئەنجامی بدەیت؟

ئەنجامدانی ھەندێک جۆری چالاکی و جوڵە ڕەنگە ببێتە ھۆی لەبارچوونی منداڵ، باشتر وایە ئەو پرسیارە لە پزیشکەکەت بکەیت کە کام جۆری جوڵە بۆتۆ ئاساییە و کامەش زیان بەخشە.

٥-چی بکەیت بۆ ئەوەی بە ئاسانی منداڵت ببێت؟

ئەم پرسیارە دەتوانیت سەرەتای مانگی حەوت یان ھەشتی دووگیانی لە پزیشکەکەت بکەیت بۆ وەرگرتنی ڕێنمایی و زانیاری پێویست لەسەری.

ئەپەکە بەردەستە دایبەزینن ...