Coptic Adventure تعلم قبطي

مغامرة قبطية (Coptic Adventure) هي لعبة تعليمية مسيحية ممتعة، صممناها مخصوص لأطفال الكنيسة القبطية الأرثوذكسية، وللشباب والمبتدئين في تعلم اللغة القبطية من كل الأعمار. اللعبة بتاخدك في رحلة شيقة عبر مراحل متعددة عشان تكتشف اللغة القبطية وتتعلم كلمات كتير بطريقة جديدة، ومبتكرة، ومسلية جداً 😀.

ليه تعليم القبطي يكون ممل؟ 🤔

مع "مغامرة قبطية"، حولنا دروس اللغة لتحدي تفاعلي ولعبة ممتعة. سواء كنت في البيت أو في مدارس الأحد، التطبيق هيساعدك تتقن الحروف القبطية، والكلمات، والنطق السليم من خلال اللعب.

✨ ميزة جديدة: قصص الكتاب المقدس!

وسعنا المغامرة! دلوقتي مش بس هتتعلم اللغة، لكن كمان هتقدر تستمتع بـ قصص الكتاب المقدس التفاعلية. اتفرج على أبطال الإيمان وشوف القصص بتتحرك قدامك، واتعلم دروس روحية ومسيحية مفيدة وأنت بتلعب.

✨ مميزات اللعبة:

• أكتر من 85 مستوى مختلف، في كل واحد هتتعلّم كلمة قبطية جديدة.

• خريطة مراحل مرسومة بشكل جميل مع صور وكلمات قبطية.

• كل مستوى فيه ٤ مراحل: لعب – دراسة – اختبار – تلوين، عشان تتأكد إنك فهمت وحفظت الكلمة.

• ألعاب صغيرة ومسلية مع كل مستوى عشان تتعلّم وأنت مبسوط.

• دعم للغتين: العربي والإنجليزي.

• شرح الكلمة القبطية بالصور، مع الحروف القبطية والترجمة.

• نطق صوتي لكل كلمة وحرف قبطي 🎧.

• كل كلمة معاها صورتها ومعناها بالعربي والإنجليزي.

• لوحة شرف عشان تتحدى أصحابك وتشوف مين اللي حافظ كلمات أكتر 🏆.

• تحكم سهل باللمس للموبايل 📱.

• اللعبة مجانية بالكامل، من غير إعلانات وبتشتغل من غير إنترنت.

• مناسبة لكل الأعمار.

• فيها قاموس للحروف القبطية يورّيك شكل ونطق كل حرف 📖.

• تقدر تختار شخصيتك: ولد أو بنت.

• كل مستوى فيه تلميح يساعدك تعديه.

• وكمان ضفنا قصص من الكتاب المقدس بصوت وصورة، عشان تتعلم القيم المسيحية بطريقة حلوة وسهلة 🌟.

احنا بنحاول دايماً نطور من تجربة لعبة "مغامرة قبطية" 🎮! يا ريت تتواصلوا معانا 📧 وتبعتولنا رأيكم واقتراحاتكم عشان نكون دايماً عند حسن ظنكم 😃!