Ebyobusika

Amatendo amajjuvu gonna ga Katonda eyatonda

obulamu n’okufa n’awa abantu ebyobugagga ebyenjawulo era n’agera nti byakugendanga bikyusa

emikono okutuusa Ye lw’alibyeddiza. Okusaasira

n’emirembe bibeere ku Nnabbi waffe Muhammadi

eyannyonnyola eddiini n’alagirira engeri amateeka

gye galina okugobererwamu nga mwe muli n’agookugabanya ebyobugagga omufu by’aba alese.

Ekigendererwa mu yirimu y’ebyobusika, kwe

kumanya abo abalina okugabana ku bintu omufu

by’aba alese n’engeri buli omu gy’agabanamu. Yirimu eno nkulu nnyo wadde nga abantu bagitwala

okuba emu ku zisinga obuzibu n’obutategeerekeka.

Ensonga egifuula enzibu kwe kuba nga tejjumbirwa

nnyo, ate nga mulimu okubala wadde nga kutonotono. Engeri y’okussa emiwendo ku byobugagga

ebyenjawulo nayo ereetamu okusoomooza, okwo

kw’ossa basseeka be kikwatako obutalaga bantu

migaso egigirimu n’obukulu bwayo.

Mu kitabo kino ngezezzaako okugonza awatera

okukaluba, ne nneewala nnyo n’okubala we kiteetaagisa era ne mpa ebyokulabirako okugondeza

omusomi bye ndowooza nti biyinza okumukaluubiriza. Ebiba bitategeerekese bulungi nsuubira nti

basseeka abeesigika bajja kubirandululira abagobe-

ix

rezi baabwe. Nsuubidde nti ekitabo kino era kijja

kugasa mu ngeri endala nnya:

1. Abagabana okumanya emigabo gye balina

okufuna n’okwetaba mu kugabanya ebyobugagga

omufu by’aba alese nga balinako kye bamanyi.

2. Okuyamba ku bagenda okugabanya ebyobusika abagabana baleme kubalowoolezaamu kwekubiira.

3. Okusobozesa omuntu okumanya abantu abaligabana ku bintu by’alireka olwo aleme kubalaamira

ku byabugagga kubanga, nga bwe tujja okukiraba,

anaasika tebamulaamira.

4. Okusobozesa omuntu okumanya abataligabana asobole okubawa, nga akyali mulamu, bye

yaaliyagadde bafune oba okubalaamira by’abeera

ayagadde ebitasukka 1/3