Oxirat kuniga tayyorgarlik

Muallif: Shayx Ahmad ibn Hajar Ali al-Asqaloniy

OXIRAT KUNIGA TAYYORGARLIK (MUNABBIHOT)

Tarjimonlar:

ABDULHAY ABDULHAFIZ o‘g‘li

AHMAD MUHAMMAD

Payg‘ambar alayhissalomdan keltirilishicha, ikki xislat borki, undan afzalroq narsa yo‘q:

1. Allohga iymon keltirish;

2. Musulmon birodarlariga yordam ko‘rsatish.

Va ikki xislat borki, undan yomonroq narsa yo‘q:

1. Allohga shirk keltirmoq;

2. Musulmon birodarlariga ziyon yetkazmoq.

* * *

Payg‘ambar alayhissalom aytdilar: "Sizlar o‘zingizga:

1. Ulamolar suhbatida o‘ltirmoqni;

2. Hukamolarning suhbatini tinglamoqni lozim ko‘ring. Chunki yomg‘ir suvi o‘lik yerni

tiriltirganiday, Alloh taolo hikmat nuri bilan o‘lik qalblarga jon baxsh etadi. "

* * *

Abu Bakr Siddiq roziyalllohu anhu aytadilarki: "Qabrga tayyorgarliksiz kirgan odam

kemasiz dengizga tushgan kishiga o‘xshaydi. "

* * *

Umar roziyallohu anhu shunday debdilar:

"1. Dunyoning azizligi mol bilan;

2. Oxiratning azizligi solih amallar bilan. "

* * *

Usmon roziyallohu anhu aytadilarki:

"1. Dunyoning g‘ami - qalbdagi zulmatdir;

2. Oxiratning g‘ami - qalbdagi nurdir. "