Екосфера

Апликацијата Екосфера има цел да ја надополни функционалноста на еколошкиот портал Ekosfera.mk и да ја зголеми неговата достапност и мобилност со што би претставувала корисна алатка на здруженијата на граѓани. Наменета е за здруженијата на граѓани, но и за пошироката јавност заинтересирана за повеќе информации од областа на животната средина.

Функцијата на апликацијата е да помогне во подобра организираност, комуникација, соработка и размена на искуства и знаења помеѓу здруженијата на граѓани кои работат на полето на заштита на животната средина како и да придонесе кон приближување на активностите на граѓанскиот сектор до граѓаните на Република Македонија.

Апликацијата е изработена во рамки на проектот Екосфера – еколошка платформа на Центарот за истражување и информирање за животна средина „Еко-свест“ од Скопје и Центарот за едукација, заштита на животната средина и природата „Биосфера“ од Битола.

Проектот е финансиран од Глобалниот еколошки фонд Програма за мали грантови – ГЕФ ПМГ, неколку приватни компании од Македонија, општина Битола како и од сопствени средства на Еко-свест и Биосфера.