Fedoo

مفيش عدّاد. إنت اللي تحدد السعر.

في Fedoo بتحدد مكانك ووجهتك على الخريطة، وتكتب السعر اللي شايفه مناسب للرحلة. السائقين القريبين منك يشوفوا الطلب ويبعتولك عروضهم، وإنت تقارن وتختار: في اللي هيقبل سعرك على طول، وفي اللي هيعرض عليك رقم تاني. قبل ما تقرر بتشوف تقييم كل سائق، عدد رحلاته، نوع سكوتره، وهو بعيد عنك قد إيه.

الرحلة

بعد ما تختار السائق تقدر تتابعه على الخريطة وهو جاي ناحيتك، وتكلّمه من جوه التطبيق لو محتاج. في الآخر بتدفع كاش بالسعر اللي اتفقتوا عليه — مفيش زيادة ومفيش رسوم مخفية. وتقدر تقيّمه بعد ما تنزل عشان اللي بعدك يعرف.

التوصيل

نفس الفكرة بس للطلبات. تحدد مكان الاستلام ومكان التسليم، تكتب الطلب إيه، وتسيب اسم ورقم المُرسِل والمُستلِم. السائق بيتصل بالطرفين مباشرة من التطبيق، وإنت متابع لحد ما يوصل. ينفع للأكل، للمشاوير، وللأوراق والمستندات.

السائقين

مش أي حد بيشتغل معانا. كل سائق بيرفع بطاقة الرقم القومي، رخصة القيادة، رخصة تسيير السكوتر، فيش وتشبيه حديث، وصور للسكوتر واللوحة. الورق ده بيتراجع يدوياً واحدة واحدة قبل ما نسمح له يستقبل أول طلب.

حاجات صغيرة بتوفر وقت

• أماكني — احفظ البيت والشغل والأماكن اللي بتروحها كتير واطلب منها بضغطة.

• إعادة آخر رحلة من أول شاشة، من غير ما تدخل تحدد حاجة تاني.

• دوّر على المكان بالاسم، أو حدد النقطة بإيدك على الخريطة لو ملوش عنوان.

• شوارع المنيا بأسمائها العربي على الخريطة.

• التطبيق كله عربي من اليمين للشمال، والأسعار بالجنيه.

عايز تشتغل سائق؟

سجّل من جوه التطبيق كسائق، ارفع أوراقك، واستنى الاعتماد. بعدها هتشوف الطلبات اللي جنبك وتقبل اللي يناسبك إنت بس، وتتابع أرباحك ورحلاتك أول بأول.

التغطية

Fedoo شغال حالياً جوه محافظة المنيا بس. بنشتغل على محافظات تانية.