Mch. Mbarikiwa Mwakipesile

KIKOSI KAZI CHA INJILI

UPENTEKOSTE WA KIZAMANI

KATIKA SIKU ZA MWISHO

JESHI LA KUJENGA UFALME WA MUNGU (JKUM)

HAPA NI CHUMA KUNOA CHUMA (MIT 27:17)

Kikosi kazi cha injili ni kanisa linaloongozwa na kusimamiwa na Mch. Mbarikiwa mwakipesile. Makao makuu ya kanisa yako Mbeya mjini. Tunahubiri injili ya Kristo aliyetuokoa bila kujalisha sura, cheo, uchumi, nafasi, elimu, sura, umri, jinsia au chochote ulichonacho kwani twajua ya kuwa ELIMU YA MUNGU NDIYO ELIMU PEKEE YENYE UWEZO WA KUMTOA MTU KWENYE MATESO NA KUMFANYA AWE HURU. Kwa maisha ya maombi mengi na ibada ndefu na ngumu, tumeuona mkono wa Mungu ukitembea nasi sana. Kwasasa wengi (kama si wote) waliofungua moyo kuabudu pamoja nasi, tumeponywa magonjwa mengi “BILA KUOMBEWA” au kuwekewa mkono. Lakini zaidi ya hayo yote, ni wazima, na uzima tulionao sio wa kubahatisha bali ni wa uhakika.

Kitabu hiki kinazidi kuwafungua watu wengi sana kwenye vifungo mbalimbali, na shuhuda zilizoandikwa mwisho wa kitabu hiki ni chache tu ukilinganisha na zile ambazo zinaendelea kwenye maisha yetu sasa. Kiufupi Mungu kwetu ni mwema sana na ametusaidia sana hata sasa hatufikirii kwenda mbinguni kwa sasa bali tunafikiria kuendelea kumtafuta Mungu sana mpaka itokeze ile sura ya mwanadamu aliyeumbwa bustani ya Eden (Mwa 1:6).

Kwa yeyote ambaye atataka kitabu hiki au akitaka kuabudu pamoja nasi, basi ziko kambi maeneo mbalimbali Tanzania au waweza hata kuabudu pamoja nasi kwa njia ya mtandao kama uko mbali na Tanzania.

Lakini kabla hata haujaja kwenye ibada, soma maelezo haya ya mwongozo na makatazo ambayo tunayo kanisani, ili usije ukapenda matokeo bila kupenda maisha. Nikutakie usomaji mwema wa maelezo haya na kitabu hiki kwa ujumla, Mungu akupe kuanza maisha ya maombi mengi.