Radio Laeveld

Radio Laeveld het op 1 Maart 2003 vir die eerste keer 'n vier jaar Gemeenskap Uitsaailisensie ontvang. Op 31 Mei 2003 word daar vir die eerste keer op die Radio Laeveld-senders uitgesaai. Sedertdien het Radio Laeveld reeds weer sy tweede vierjaar-lisensie ontvang en word die seinverspreiding nou deur Sentech vanaf Kaapsehoop gedoen.

Radio Laeveld se uitsaaigebied dek Nelspruit, Witrivier, Baberton en omliggende Laeveldstreke van Kaapsehoop, Kaapmuiden, Malelane, Hectorspruit, Komatipoort, Skukuza, Hazyview, Sabie Graskop, en Lydenburg.

Om a-polities en in suiwer Afrikaans die Afrikanergemeenskap se kultuur en sy onwrikbare Christelik Protestantse geloof in die Drie-Enige-God uit te dra en te bevorder om sodoende sy histories-kulturele trots aan te wakker.

Om die Afrikaanse taal en kultuur aan meer mense uit te dra en dit by hierdie mense te bevorder, sonder om afbreuk te doen aan die missie en doelstelling van Radio Laeveld.