Ijmo va ijmoiy masalalar

"IJMO VA IJMOIY MASALALAR" DASTURI

Dasturda musulmon olamida salafi solihlarimiz, to`rt fiqhiy mazhabning mujtahid ulamolari va ummati muhammadiya birdek qaror qilgan "Fiqhiy va e`tiqodiy ijmo`iy masalalar" ro`yhati taqdim qilingan.

Masalalarni tanlashda, ahli sunnat aqidaviy jamoasi va to`rt fiqhiy mazhab—hanafiylik, shofe`iylik, molikiylik va hanbaliylik mazhab ulamolarining qarashlariga mos kelishiga jiddiy ahamiyat berilgan. Mo`tazila, Ravofiz va hokazo ahli sunnadan ayro firqalarning fikrlari aslo e`tiborga olinmadi. Ularda ijmo` deb qabul qilinmagan masalalar agar, to`rt mazhabda ijmo`iy bo`lsa uni ro`yhatga qo`shilaverdi.

Ijmo`da fiqhiy jihat birlamchi ekanini e`tiborga olib, ro`yhat avvaliga ijmo` qilingan fiqhiy masalalarni joylashtirildi. So`nggi bo`limda ahli sunnat e`tiqodi—imom Ash`ariy va hamyurtimiz imom Moturidiy ta`limotiga muvofiq bo`lgan aqidaviy ijmo` qilingan masalalar qo`yilgan. Fiqhiy masalalar joylashuv o`rnini diyorimizda qadimdan darslik sifatida o`qitilib kelingan fiqhiy manbalar tartibiga mos ravishda tuzishga harakat qilindi. Avvalda, tahorat va g`usl haqidagi bob, keyin namoz, ro`za, zakot. Ro`yhatning oxirlarida esa faroiz—meros. Fiqhiy bo`limdan keyin “har-xil masalalar”, undan keyin dalillar va siyrat bo`limi ham berib o`tilgan.

Muallif: Hikmatulloh Ibrohim,

Muharrir: Hamidulloh Beruniy